Bailies konfekt

Nú havi enduliga fingið upp í lag at gjørt ársins jólakonfekt og nei tað er einki fancy, tað sær bara soleiðis út. Yvirskotið í ár er ikki av tí allar størsta, so eg valdi at gera tvey sløg sum eru skjót, nem og smakka væl – eitt til tey vaksnu og eitt til børnini.

Her fáa tit uppskriftina upp á Bailies konfekt :

Tú skalt brúka :

500 gr marsipan

3 sspsk. Kakaopulvur

Bailies

Kóki sjokolátu

Soleiðis gert tú:

Elt marsipan, kakao og Bailies væl saman, eg plagi at elta kakao og marsipan eitt sindur fyrst og síðan koyri eg eitt sindur av bailies í senn. Til 500 gr brúki eg áleið 1/2 dl av bailies.

Rulla síðan til kúlur og dyppa í smelaða sjokolátu. Lat kølnað á bakipapír.

Tip: Um tær ikki dámar Bailies – kunnu mandludopar, vanilju ella lakrespulvur sagtans brúkast í staðin.