Nýggjar plakatir - Giveaway
Enduliga havi eg verið í kreativa lagnum aftur og havi eg hesuferð ikki minni enn tríggjar nýggjar plakatir á veg.
Eitt sindur um tær nýggju plakatirnar :
RITA : Egentliga var tað ikki meiningin at Rita, tað gullittað gimburlambið skuldi vera sleppingarlamb í ár, MEN tá tað vísir seg at hon elskar at koma upp á myndir og jarmar tá hon sær meg, hvussu kann eg tá lata vera ?
Rita er ikki eitt heimalamb, men avlíkavæl hevur hon eina heilt serliga persónligheit. Hon er blivin væl við Olaf (heimalambið) og gongur fyri tað mesta uttanfyri hjá okkum.
LOLA: Eg havi deilt hesa myndina fyrr, men nú er hon endaliga liðug og send til prent. Lola er eitt satt lívsstykkið. Tit kenna kanska longu mammu Lolu, Bambi? Nú mestsum heimskenda blómuærin. Hóast Bambi er blind, so hevur hon tikið sær fyrimyndarliga væl av Lolu, so væl, at Lola nú helst er størsta lamb á garðinum. Lola er ein dyggur stuðul og eyguni hjá Bambi. Júst sum mamma sín, so dámar Lolu væl framanfyri myndatólinum og er model karrieran uppløgd
OLAF: Ja Olaf er ikki longur tað lítla fitta heimalambi, við summardáðum á høvdinum. Men hóast hann ikki er so lítil meira, so er hann akkurát líka fittur - Hann elskar enn at eta blómur og heldur seg vera meira ein hund enn ein seyð.
Nú hevur tú møguleikan at vinna eina av nýggju plakatinum til tín og eina til onkran tú ert góð/ur við. Tað einasta tú skalt gera fyri at vera við í kappingini er:
Vel hvørja plakat tú vilt vinna til tín sjálvs
Taggað ein vin og sig hvørja plakat hann/hon skal fáa.
Tit avgera sjálvið um tit luttakað her, á facebook ella á instagram.
Vinnararnir vera funnir leygardagin 27. Oktobur kl 20.00