Eftirsum tað er páskir, haldi eg at ein lekkur Creme Egg kaka er upp á sítt pláss. Í fjørð hevði eg eina uppskrift á blogginum um hvussu tú gert tíni egnu heimagjørdu Creme Egg, hesaferð havi eg arbeitt eitt sindur víðari við tí uppskriftini og gjørt eina brownie kaku við Creme Egg glasur og sjokoláta genache omaná. Hendan kakan er perfekt aftur við einum góðum koppi av kaffi – Rík, søt og “farlig”, sum onkur tekur til.

Tú skalt brúka :

Brownies:

100 gr smør

200 gr sjokolátu

4 egg

250 gr sukur

100 gr mjøl

1 tsk. bakipulvur

30 gr kakao pulvur

Creme Egg fylla

½ kopp av glucose syrop (fæst í øllum daglivøru handlum)

½ kopp smør

1 tsk vanilju essens

1/8 tsk salt

3 koppar flourmelis

gula frugtfarvu

Sjokoláta glasurur:

100 gr smør

2 súpsk. kakao pulvur

3 súpsk. mjólk

300 – 350 gr flourmelis

Soleiðis gert tú :

1. Tú byrjar við at gera brownies. Set ovnin á 180 gradir. Smelta sjokolátuna og smøri saman yvir vatnbað og set til síðis.

2. Píska síðan eggini og sukri væl saman til tjúkkan eggjamassa.

3. Rør síðan sjokolátuna varliga í eggjamassan, síla síðan mjøli, bakipulvuri og kakao pulvur og rør varliga inntil deiggji er javnt.

4. Koyr í ein miðal form við bakipapír – Bakað mitt í ovninum í 25 – 30 minuttir.

Creme egg fylla:

1. Píska glucose syrop, smør og vanliju inntil tað gerst til tað er væl blanda. Píska síðan flourmelis í, eitt sindur í senn – píska inntil tað kremi gerst mjúkt. Tynn eitt sindur við kókaðum vatnið um tað enn tykist ov tjúkt. (Eg plagi at brúka c.a. 3 – 5 súpsk av kókaðum vatnið)

2. Koyr 1/3 av kreminum í ein annan bolla og píska síðan eitt sindur av gulari frugtfarvu í.

3. Tá kakan er kølnað nøkurlunda, koyrir tú síðan fyrst tann hvíta glasurin omaná og síðan tann gula. (Eg plagi at deila tann gula út í 3 – 4 strípur og síðan blandi tað eitt sindur út við einum gaffli.)

Sjokoláta glasurur :

1. Smeltað smøri í eini lítlari grýtu, tá smøri er smeltað pískar tú mjólk og kakao pulvur í inntil tað gerst eitt sindur tjúkt. Píska síðan flourmelis í inntil tað gerst javnt og stroy útyvir Creme Egg fylluna beinanveg, áðrenn tað kølnar.

Um hendan kakan kanska gert eitt sindur ov søt til tín, havi eg eisini prøva at koyrt Creme Egg fylluna og glasurin á eina vanliga skuffukaku, tað riggar eisini væl.

Uppskriftina upp á Heimagjørd Creme Egg finnur tú annars á blogginum her.

Enjoy <3

CREME EGG BROWNIES